Ein digwyddiadau ymgysylltu a’n grwpiau ffocws

Ein nod yw i Gaerdydd sy’n Deall Niwrowahaniaeth gael ei siapio gan y bobl sydd â phrofiad o lygad y ffynnon. Er mwyn cyflawni hyn, rydym wedi bod yn ymgysylltu ag unigolion, aelodau o’r teulu a gweithwyr proffesiynol niwrowahanol. Mae hyn wedi cynnwys cynnal digwyddiad ymgysylltu llwyddiannus a sawl grŵp ffocws ar-lein.

Mae nifer o randdeiliaid wedi mynychu ein grwpiau ffocws. Mae hyn wedi ein helpu i gasglu adborth gwerthfawr gan:

• unigolion niwrowahanol,
• rhieni a theuluoedd,
• gofalwyr di-dâl,
• eiriolwyr, a
• gweithwyr proffesiynol.

Roedd ein hymgysylltiad yn cynnwys siarad â phobl sydd â phrofiad byw i siarad am y rhwystrau a’r heriau sy’n eu hwynebu yn y ddinas. Fe wnaethom nodi mai rhai o’r heriau mwyaf cyffredin sy’n wynebu’r gymuned niwrowahanol yw:

• stigma,
• diffyg dealltwriaeth, ac
• ansawdd y wybodaeth sydd ar gael.

Yn ogystal â gwella ymwybyddiaeth o’r heriau a’r rhwystrau, roedd ein hymgysylltiad hefyd yn rhoi gofod i bobl rannu atebion ar sut y gallwn wneud y ddinas yn fwy cynhwysol. Mae’r syniadau i wneud Caerdydd yn ddinas sy’n deall niwrowahaniaeth yn well yn cynnwys:

• gwella dealltwriaeth o niwrowahaniaeth,
• creu mwy o fannau sy’n deall niwrowahaniaeth,
• cynyddu gwybodaeth am niwrowahaniaeth a’r gwasanaethau sydd ar gael

Os hoffech gael rhagor o wybodaeth am Gaerdydd sy’n Deall Niwrowahaniaeth, anfonwch e-bost atom.

E-bost: DeallNiwrowahaniaeth@caerdydd.gov.uk